O río Umia nace na parroquia de Aciveiro, municipio de Forcarei, e recorre os concellos da Estrada, Cuntis, Moraña, Caldas de reis, Portas, Meis, Vilanova de Arousa, Ribadumia e Cambados, creando unha bacía (conca fluvial) de 404 km². Finalmente, desemboca na Ría de Arousa, na Ponte da Barca (Cambados). Estímase unha lonxitude total de 70 km e un caudal medio de 16,3 m3.
O río nace ao xuntárense os regatos de Raigosa, Filloi, Alende e Grela. Circula por unha chaira a 500 m de altitude até A Goleta, a partir de onde baixa encaixado ata Ponte Taboada. Alí xúntaselle o río Gallo e segue por outra chaira situada a 200 m. En Caldas de Reis, cae en fervenza. Ó desembocar na ría, entre os concellos de Cambados e Ribadumia, crea unhas marismas nas que se poden ver, ao longo das estacións, unha
gran diversidade de aves migratorias.
O río Umia ten unha grande importancia cultural, xurdindo no seu entorno diversos contos ou lendas coma a da "
ponte dos padriños", en Ponte Arnelas (en Leiro, Ribadumia), no que se practicaba o rito do bautismo anticipado.
PONTE DOS PADRIÑOS (PONTE ARNELAS)
O UMIA NO SEU PASO POR CALDAS DE REIS
O RÍO PASANDO POR RIBADUMIA
(Entrada feita por Silvia Fernández)
